من يمتلك السرد يمتلك الواقع. طَب صورة مجتمع فلسطيني بيمكّن صنّاع الأفلام وبيحمي السردية الفلسطينية بالصورة: بنعلّم، بنصنع محتوى، وبنِنتج.
موجودين لنوثّق رحلتنا بمشوار صناعة الأفلام، ولننشر كلشي بنعرفه، ورح نعرفه، عن صناعة الصورة. ولنخلق صور حقيقية عن حالنا.
شو يعني صورة؟ الصورة هي الكادر اللي بنشوفه على الشاشة. وهي كمان الشكل اللي بتنتقل فيه الأشياء عن أصلها، زي الصور النمطية عن جماعة أو فئة معيّنة.
وصورتنا كعرب بالسينما؟ الغرب بيعرف قوة الصورة لتغيير الحقائق، والسردية الفلسطينية بتتعرّض كل يوم للتشويه والمحو. إذا ما خلقنا سرديات مضادّة، مصيرنا نختفي.
بالعامية، "طَب" يعني يلّا. فـ"طَب صورة" هي دعوة: يلّا نصوّر، ويلّا نحكي قصتنا بالصورة.
من ورشة بتعلّمك تقرأ الضو، لمحتوى بيفكّك الصورة اللي انرسمت عنا، لفيلم بنصوّره بإيدينا.
ورشات ومعسكرات عملية لصنّاع الصورة.
محتوى تعليمي وتوعوي عن صناعة الصورة والسردية.
أفلام قصيرة بتحكي قصص حقيقية من الأرض.
صنّاع صورة بيتعلّموا من بعض وبيشتغلوا مع بعض.
4 ورشات، كل أحد من 8 لـ 29 نوفمبر، بمكتب طَب صورة ببيتونيا: الإكسبوجر، تحليل الفريمات، التحضير لفيلم قصير، وتسعير الشغل.
التفاصيل والتسجيلاحكيلنا عن فكرتك، مشروعك، أو بس سلّم علينا.
طَب صورة
